ITALIA ILLUSTRATA

di Flavio Biondo (1392-1463)

In monte autem Palani oppida sunt & castella, Bomia, collis medius & trans rivum Mons ferrandus, inde petra ferracina, pertinent vero superius ad sarum plurima item oppida & castella, quæ ascendendo in fontem ordine describemus, petræ ferracinæ supereminet castrum pili, & post est civitas bucelli; deinde sunt pesulum pineatarij sanctus Angelus pesculi Castrum iudicis clarum in regione memoria Iacobi caudolæ magni per ætatem nostram exercituum ductoris; qui ex eo oppido duxit originem. Supraque est sinistrorsum arduo in colle oppidum capracotta; & interius in depræssa valle adiacet maiellæ Anglona, quod oppidum nunc in regione primarium prisci aquiloniam appellavere. Inde sanctus Petrus de avelana, & postea ad sari amnis fluenta oppidum est præstantissimum Castrum sangri appellatum, opificibus varijs, sed imprimis fabris ferrarijs frequentatum; hi enim minima quæque et maiuscula cuiusque usus instrumenta ex ferro tam fabre ducunt, ut paris ponderis ac mensuræ argentea pulchritudine, ac precio vel superent, vel æquent.

  • F. Biondo, Italia illustrata, De Lignamine, Roma 1474, p. 399.

© 2014-2020 Letteratura Capracottese di Francesco Mendozzi

Via San Sebastiano, 6 - 86082 Capracotta (IS)

*** Contattami ***