LA TRAGICA FINE DI UNA REGINA CHE AMÒ APPASSIONATAMENTE NAPOLI

di Carmelina Grimaldi

​

Capracotta – C'aggia sape'?

D'Amico – Quacche particulare.

Capracotta – Ma qua' particulare?

D'Amico – Tu nun ssaje niente! Me pare ca te piace 'a vita commoda e serena e ca te ne staje mpertusato 'o cchiù possibile int' 'a quacche grotta, sottoterra... pecché nun te vuo' maje piglià collera pe' tutto chello ca succede ncopp' 'a sta terra sventurata.

Capracotta – Amico D'Amico, me pare ca te s'è bluccato 'o raggiunamento. Ma chi te sta dicenno ca me piace campà mpertusato, ca me piace 'e nun me piglia maie collera! So' ccose 'e pazze! Overamente 'e pazze!

D'Amico – Guaglio'... Io cammino notte e gghiuorno annascuso senza maie arrennerme, pe' scuprì tutto chello ca pozzo scuprì. Sempe smaniuso d'appurà chello ca succede. Appizzo 'e rrecchie persino a 'e pertuselle de li buche de li mascature, pe' sape e segrete cchiù importante 'e chello ca succede.

Capracotta – (con enfasi di derisione) Si' n'ommo e tutto curaggio overamente!

D'Amico – 'O ssaje o no ca Don Carlo sarrà 'o padrone 'e Napule?

• C. Grimaldi, La tragica fine di una regina che amò appassionatamente Napoli, Laurenziana, Napoli 1988, p. 83.

​